Հունիսի 21-ից Արամ Խաչատրյանի տուն-թանգարանը և «Վիքիմեդիա Հայաստան» գիտակրթական հասարակական կազմակերպությունը Հայերեն Վիքիպեդիայում և քույր նախագծերում սկսում են բովանդակության ստեղծման և բարելավման նախագիծ՝ Արամ Խաչատրյանին, նրա տուն-թանգարանին, ցուցադրության նմուշներին և ստեղծագործություններին և այն ամենին, ինչ կապված է մեծ կոմպոզիտորի անվան հետ։
Համագործակցությունը երկարաժամկետ է և նպատակ ունի լրացնել Արամ Խաչատրյանին վերաբերող բացը հայերեն վիքինախագծերում, ավելացնել որակյալ, մասնագիտական բովանդակությունը և հետագայում այդ ամենը թարգմանել այլ լեզուներով Վիքիպեդիաներում։
