Կենսագրությունը

Բաց է՝ երկ.-ուրբ. ժամը՝ 11:00-17:00, շբթ.՝ 11:00-16:30

Լսել «Արամ Խաչատրյան»

Անջատել

Հովանավոր՝

Ծնվել է 1903թ. հունիսի 6-ին Թիֆլիսի (այժմ Թբիլիսի) Կոջորի արվարձանում կազմարարար Եղիա Խաչատրյանի ընտանիքում, ով ինչպես և ապագա կոմպոզիտորի մայրը՝ Ղումաշը, ծնունդով նախկին Նախիջևանի նահանգի (պատմական Գողթն գավառ) Վերին և Ներքին Ազա գյուղերից էին:

Խաչատրյանների ընտանիքը, 1913թ.
Նստած են ձախից աջ՝ եղբայրը՝ Սուրենը, մայրը՝ Ղումաշը, Արամը, հայրը՝ Եղիան, եղբայրը՝ Լևոնը
Կանգնած են ձախից աջ՝ Սառա Դունաևան (Սուրենի կինը), եղբայրը՝ Վաղինակը և իր կինը՝ Արուսյակը

1911-1913թթ.

Ուսումնառությունը Ս. Արղուտինսկայա (Արղության) - Դոլգորուկայայի վարժարանում:

1913-1921թթ.

Ուսումնառությունը Թիֆլիսի առևտրական ուսումնարանում: Մասնակցություն ուսումնարանին կից գործող սիրողական փողային նվագախմբի փորձերին:

1915թ.

Փախուստ թուրքական հետապնդումներից դեպի Եկատերինոդար (Կրասնոդար) եղբոր՝ Վաղինակի մոտ (բարեբախտաբար թուրքական զորքերը չեն մտնում Թիֆլիս):

1919թ.

Արամ Խաչատրյանի առաջին այցը Թբիլիսիի օպերային թատրոն՝ Զ. Փալիաշվիլիի «Աբիսալոմ և Էթերի» ներկայացմանը:

1921թ.

Շրջադարձային տարի Արամ Խաչատրյանի կյանքում: Ուղևորություն դեպի Հայաստան մի խումբ հայ մշակութային գործիչների հետ։ Տեղափոխություն Մոսկվա՝ ավագ եղբոր՝ Սուրենի առաջարկով:

1922-1924թթ.

Ուսումնառությունը Մոսկվայի համալսարանի ֆիզիկա-մաթեմատիկական ֆակուլտետի կենսաբանության բաժնում: Ընդունելությունը Գնեսինների անվան Մոսկվայի երաժշտական տեխնիկում, թավջութակի դասարան (Ս. Բիչկովի և պրոֆեսոր Ա. Բորիսյակի ղեկավարությամբ): Մինչև 19 տարեկանը Արամ Խաչատրյանը չի ստացել պրոֆեսիոնալ երաժշտական կրթություն:

1925-1928թթ.

Ուսումնառությունը տեխնիկումի նորաբաց կոմպոզիտորական դասարանում (Մ. Ֆ. Գնեսինի ղեկավարությամբ): Ակտիվ գործունեություն Մոսկվայի Հայաստանի Մշակույթի տանը: Հանդիպում կոմպոզիտոր Ա. Սպենդիարյանին, նկարիչ Մ. Սարյանին: Երաժշտություն Հայկական դրամատիկական ստուդիայի ներկայացումների համար /«Պաղտասար աղբար» (1927թ.), «Ատամնաբույժն արևելյան» (1928թ.), «Խաթաբալա» (1928թ.) և այլն/: Այցելություն Հայաստան Հայկական երկրորդ դրամատիկական ստուդիայի հետ (1928թ.):

1926-1929թթ.

Առաջին ստեղծագործությունները՝ «Պար» ջութակի և դաշնամուրի համար, «Պոեմ» դաշնամուրի համար, «Երգ-պոեմ» ջութակի և դաշնամուրի համար և այլ գործեր:

1929թ.

Ավարտում է Գնեսինների երաժշտական տեխնիկումը: Ընդունվում Մոսկվայի կոնսերվատորիայի նախ` Մ. Գնեսինի, ապա` Ն. Մյասկովսկու ստեղծագործական դասարան: Ամուսնությունը Ռոմելլա Բարսեղյանի հետ: Ստեղծագործությունների առաջին հրատարակությունները՝ «Պոեմ» դաշնամուրի համար, «Պար» և «Երգ-պոեմ» ջութակի և դաշնամուրի համար։

1930թ.

Դստեր՝ Նունե Խաչատրյանի ծնունդը:

1932թ.

Արամ Խաչատրյանը ԽՍՀՄ կոմպոզիտորների միության անդամ:

1933թ.

Կլարնետի, ջութակի և դաշնամուրի համար տրիոյի առաջին կատարումը Փարիզում (Ֆրանսիա): Ամուսնությունը Նինա Մակարովայի հետ (Մյասկովսկու կոմպոզիտորական դասարանի ուսանողուհի): «Պարային սյուիտ»-ի երեք մասերի առաջին կատարումը, Մոսկվայի Չայկովսկու անվան պետական կոնսերվատորիայի Մեծ դահլիճ:

1934թ.

Ավարտում է Մոսկվայի պետական կոնսերվատորիան, գերազանցության դիպլոմ, «Երաժշտական արվեստի գործչի» կոչում։
Կոմպոզիտորի անունը ոսկյա տառերով գրված է Մոսկվայի Չայկովսկու անվան պետական կոնսերվատորիայի փոքր դահլիճի մուտքի մոտ գտնվող Պատվո մարմարե տախտակին:
Առաջին սիմֆոնիայի ստեղծումը (կոմպոզիտորի դիպլոմային աշխատանքն է Ն. Մյասկովսկու կոմպոզիցիայի դասարանում Մոսկվայի կոնսերվատորիան ավարտելիս):

1935թ.

Սիմֆոնիայի առաջին կատարումը, Մոսկվայի Չայկովսկու անվան պետական կոնսերվատորիայի Մեծ դահլիճ (Մոսկվայի պետական ֆիլհարմոնիայի նվագախումբ, դիրիժոր՝ Էուգեն Սենկար): «Պեպո» /հայկական առաջին հնչունային ֆիլմ/ կինոֆիլմի էկրանավորումը, երաժշտության հեղինակ՝ Արամ Խարատրյան:

1936թ.

Կոնցերտ դաշնամուրի և նվագախմբի համար /ասպիրանտուրայի ավարտական աշխատանք/: Առաջին հեղինակային համերգը, Մոսկվայի հայ մշակույթի տուն:

1937թ.

Ընտրվել է Կոմպոզիտորների միության Մոսկվայի մասնաճյուղի նախագահի տեղակալ։ Կոնցերտ դաշնամուրի և նվագախմբի համար , առաջին կատարումը, Մոսկվա, Սոկոլնիկիի զբոսայգու սիմֆոնիկ բեմահարթակ (դաշնակահար՝ Լև Օբորին, դիրիժոր՝ Լ. Շտեյնբերգ)։

1938թ.

«Զանգեզուր» ֆիլմի էկրանավորում, երաժշտության հեղինակ՝ Արամ Խարատրյան: Ընտրվել է ՀԽՍՀ Գերագույն խորհրդի պատգամավոր։

1939թ.

Ընտրվել է ԽՍՀՄ կոմպոզիտորների միության Կազմկոմիտեի նախագահի տեղակալ: Աշխատանքներ «Երջանկություն» բալետի վրա Հայաստանում: «Երջանկություն» բալետ, առաջին ներկայացումը (սեպտեմբեր), Ալ. Սպենդիարյանի անվան օպերայի և բալետի ազգային ակադեմիական թատրոն: «Երջանկություն» բալետ առաջին բեմադրությունը (հոկտեմբերի 24), Մոսկվայի Մեծ թատրոն, հայկական մշակույթի առաջին տասնօրյակ, (բեմադրությունը՝ Ի.Արբատովի):

1940թ.

Որդու՝ Կարեն Խաչատրյանի ծնունդը:
Երաժշտություն Լոպե դե Վեգայի «Վալենսիացի այրին» կատակերգության համար:
Կոնցերտ ջութակի և նվագախմբի համար , նվիրված է Դավիդ Օյստրախին:
Կոնցերտ ջութակի և նվագախմբի համար, առաջին կատարումը, Մոսկվա (ԽՍՀՄ պետական սիմֆոնիկ նվագախումբ, մենակատար Դ. Օյստրախ, դիրիժոր՝ Ա. Գաուկ):

1941թ.

Երաժշտություն Միխայիլ Լերմոնտովի «Դիմակահանդես» դրամայի համար, Ե. Վախթանգովի անվան պետական ակադեմիական թատրոն: Ստալինյան մրցանակ Ջութակի կոնցերտի համար:

1942թ.

«Գայանե» բալետի երաժշտության ստեղծման աշխատանքների ավարտ /Պերմ/: «Գայանե» բալետի առաջին բեմադրությունը (դեկտեմբերի 9), Պերմ, Լենինգրադի Կիրովի անվան օպերայի և բալետի թատրոն (բեմադրությունը՝ Ն. Անիսիմովայի):

1943թ.

«Գայանե» բալետի երաժշտությունից 1-ին սյուիտի առաջին կատարումը, Մոսկվա:
Երկրորդ սիմֆոնիայի («Զանգով սիմֆոնիա») ստեղծումը:
Երկրորդ սիմֆոնիա, առաջին կատարումը (դեկտեմբերի 30), Մոսկվայի Չայկովսկու անվան պետական կոնսերվատորիայի Մեծ դահլիճ (ԽՍՀՄ պետական սիմֆոնիկ նվագախումբ, դիրիժոր՝ Բորիս Խայկին)։
ԽՍՀՄ Պետական մրցանակ («Գայանե» բալետի ստեղծման համար, հոնորարը Խաչատրյանը տրամադրել է պատերազմական ծախսերին):

1944թ.

ՀԽՍՀ պետական օրհներգի ստեղծումը :
Երկրորդ սիմֆոնիայի կատարումը, նոր խմբագրություն (մարտի 6), Մոսկվայի Չայկովսկու անվան պետական կոնսերվատորիայի Մեծ դահլիճ (ԽՍՀՄ պետական սիմֆոնիկ նվագախումբ, դիրիժոր՝ Ալ. Գաուկ)։

1945թ.

Նվեր՝ առանձնատուն Երևանում Խորհրդային Հայաստանի կառավարության որոշմամբ, որի հիման վրա 1978թ. հիմնվում է Արամ Խաչատրյանի տուն-թանգարանը :
Ելույթ Համամիութենական ռադիոյով՝ «Սիմֆոնիկ երաժշտության մասին» թեմայով:

1946թ.

Կոնցերտ թավջութակի և նվագախմբի համար, նվիրված է Սվյատոսլավ Կնուշևիցկուն: Կոնցերտ թավջութակի և նվագախմբի համար, առաջին կատարումը (նոյեմբեր), Մոսկվայի Չայկովսկու անվան պետական կոնսերվատորիայի Մեծ դահլիճ, (ԽՍՀՄ պետական սիմֆոնիկ նվագախումբ, դիրիժոր՝ Ալ. Գաուկ, մենակատար` Ս. Կնուշևիցկի): «Երեք կոնցերտային արիա» սոպրանոյի համար, նվիրված է Նինա Մակարովային:

1947թ.

Դեմոկրատ երիտասարդության և ուսանողների առաջին փառատոն, Պրահա, երաժիշտների միջազգային մրցույթի ժյուրիի անդամ։
«Գայանե» բալետի առաջին բեմադրությունը, Հայաստանի Ալ. Սպենդիարյանի անվան օպերայի և բալետի ազգային ակադեմիական թատրոն (բեմադրությունը՝ Ն. Անիսիմովայի):
Երրորդ սիմֆոնիայի (Սիմֆոնիա-պոեմ) ստեղծումը, նվիրված է Հոկտեմբերյան հեղափոխության 30-ամյակին:
Երրորդ սիմֆոնիայի առաջին կատարումը (դեկտեմբերի 13), Լենինգրադ, Ֆիլհարմորնիայի Մեծ դահլիճ (Լենինգրադի ֆիլհարմոնիկ նվագախումբ, դիրիժոր՝ Ե. Մրավինսկի)։

1948թ.

ԽՍՀՄ կոմունիստական կուսակցության կենտրոնական կոմիտեի համագումար նիստ, մեղադրանք ֆորմալիզմի մեջ: Ուղևորություն Հայաստանի մարզերով (աշուն): «Ձոն Վլադիմիր Իլյիչ Լենինի հիշատակին» ստեղծագործության առաջին ներկայացումը, Մոսկվայի Չայկովսկու անվան պետական կոնսերվատորիայի Մեծ դահլիճ (Համամիութենական ռադիոկոմիտեի մեծ սիմֆոնիկ նվագախումբ, դիրիժոր՝ Ալ. Գաուկ)։

1949թ.

«Ստալինգրադի ճակատամարտ» ֆիլմի էկրանավորում, երաժշտության հեղինակ՝ Արամ Խաչատրյան

1950թ.

Դիրիժորական գործունեության սկիզբը (փետրվարի 10): Մանկավարժական գործունեության սկիզբը, Գնեսինների երաժշտական ինստիտուտ և Մոսկվայի Չայկովսկու անվան պետական կոնսերվատորիա: Առաջին համերգային շրջագայությունները, Յարոսլավլ և Ռիբինսկ (որպես դիրիժոր): «Հանդիսավոր պոեմի» առաջին կատարումը, Մոսկվայի Չայկովսկու անվան պետական կոնսերվատորիայի Մեծ դահլիճ (Համամիութենական ռադիոկոմիտեի մեծ սիմֆոնիկ նվագախումբ, դիրիժոր՝ Ալ. Գաուկ)։ Ուղևորություն Իտալիա, խորհրդային մշակույթի գործիչների պատվիրակություն, (Հռոմի ռադիոյի սիմֆոնիկ նվագախումբ)։ Չեխոսլովակիայի Կոմպոզիտորների միության առաջին պլենում, Պրահա: «Սպարտակ» բալետ, աշխատանքների սկիզբը:

1951թ.

Ուկրաինա, հեղինակային սիմֆոնիկ համերգներ (Կիևի, Օդեսայի և Խարկովի ֆիլհարմոնիկ նվագախմբեր, մենակատարներ` Դ. Օյստրախ և Ս. Կնուշևիցկի): Ուղևորություն Իսլանդիա, Խորհրդային Միության մշակութային գործիչների պատվիրակություն, «Իսլանդիա-ԽՍՀՄ» ընկերության բարեկամության միամսյակ, (Ռեյկյավիկ): Խաչատրյանը - Խաղաղության կողմնակիցների երկրորդ համամիութենական համաժողովի պատվիրակ: Երևան, հեղինակային սիմֆոնիկ համերգներ, (մենակատարներ՝ Դ. Օյստրախ և Ա. Կապլան):

1952թ.

Խաչատրյանը - Մոսկվայի Չայկովսկու անվան պետական կոնսերվատորիայի և Գնեսինների երաժշտական ինստիտուտի պրոֆեսոր։ Մոսկվա, hեղինակային սիմֆոնիկ համերգ, Միությունների տան սյունասրահ (Համամիութենական ռադիոկոմիտեի մեծ սիմֆոնիկ նվագախումբ, մենակատար Լ. Կոգան)։ Բուլղարիա, հեղինակային սիմֆոնիկ համերգներ: «Գայանե» բալետ, նոր բեմադրություն, Լենինգրադի Կիրովի անվան օպերայի և բալետի թատրոն (բեմադրությունը՝ Ն. Անիսիմովայի):

1953թ.

Լենինգրադ և Ռիգա, հեղինակային սիմֆոնիկ համերգներ (Լատվիայի ռադիոյի նվագախումբ, մենակատարներ` Դ. Օյստրախ և Լ. Օբորին)։ Ուղևորություն Իտալիա, Խորհրդային պատվիրակություն, Իտալիա-ԽՍՀՄ ընկերության բարեկամության միամսյակ (Հռոմ)։ «Ադմիրալ Ուշակով» և «Նավերը փոթորկում են բաստիոնները» ֆիլմերի էկրանավորումը, երաժշտության հեղինակ՝ Արամ Խաչատրյան:

1954թ.

Անգլիա, հեղինակային սիմֆոնիկ համերգներ Լոնդոնում, Լիվերպուլում և Մանչեսթերում (մենակատարներ՝ Մ. Լիմպանի, Դ. Օյստրախ)։ Տալլին, հեղինակային սիմֆոնիկ համերգներ (Էստոնական ռադիոյի նվագախումբ, մենակատարներ՝ Լ. Կոգան և Ս. Կնուշևիցկի): Հայաստան, 18 հեղինակային սիմֆոնիկ համերգներ (Հայաստանի պետական սիմֆոնիկ նվագախումբ): «Սպարտակ» բալետի աշխատանքների ավարտը: Երաժշտություն Բ. Լավրենևի «Լերմոնտով» դրամայի համար:

1955թ.

Ֆինլանդիա, հեղինակային սիմֆոնիկ համերգներ, Խորհրդային պատվիրակություն, հանդիպում կոմպոզիտոր Յան Սիբելիուսի հետ: «Ձոն ուրախության» առաջին ներկայացում, Մոսկվայի Մեծ թատրոն (Հայաստանի օպերայի և բալետի թատրոնի նվագախումբ, դիրիժոր՝ Մ. Թավրիզյան):

1956թ.

«Սպարտակ» բալետ , առաջին բեմադրությունը (դեկտեմբերի 27), Լենինգրադի օպերայի և բալետի Կիրովի թատրոն (այժմ՝ Մարիինյան), (բեմադրությունը՝ Լ. Յակոբսոնի, դիրիժոր՝ Ֆելդտ, նկարիչ՝ Խոդասևիչ)։ Ուղևորություն Բուդապեշտ, կոմպոզիտոր Բելա Բարտոկի տարեդարձի տոնակատարություն։

1957թ.

«Գայանե» բալետ, նոր խմբագրություն, Մոսկվայի Մեծ թատրոն (բեմադրությունը՝ Վ.Վայնոնենի): Լատինական Ամերիկա, հեղինակային սիմֆոնիկ համերգներ Արգենտինայի, Ուրուգվայի և Բրազիլիայի քաղաքներում: Ուղևորություն Պրահա, «Սպարտակ» բալետի բեմադրության նախապատրաստական աշխատանքներ։ Ընտրվել է ԽՍՀՄ Կոմպոզիտորների միության վարչության քարտուղար։

1958թ.

«Սպարտակ» բալետ, նոր բեմադրություն (մարտի 11), Մոսկվայի Մեծ թատրոն (բեմադրությունը՝ Ի. Մոիսեևի, դիրիժոր՝ Յու. Ֆայեր, նկարիչ Ալ. Կոնստանտինովսկի): Արևմտյան Սիբիր, Կուզբաս և Ալթայ, հեղինակային սիմֆոնիկ համերգներ /կոմպոզիտոր Դ.Կաբալևսկու հետ/: Ընտրվել է ԽՍՀՄ Գերագույն Խորհրդի պատգամավոր:

1959թ.

Ուղևորություն Ավստրիա. Վիեննայի դեմոկրատական երիտասարդության և ուսանողների միջազգային փառատոնի ժյուրիի անդամ: Ընտրվել է Արտասահմանյան երկրների հետ բարեկամության և մշակութային կապերի միության նախագահության անդամ, «ԽՍՀՄ - Լատինական Ամերիկա» խորհրդային ասոցիացիայի նախագահ: Լենինյան մրցանակ («Սպարտակ» բալետի ստեղծման համար):

1960թ.

Լատինական Ամերիկա և Եվրոպա, հեղինակային սիմֆոնիկ համերգներ Մեքսիկայի, Վենեսուելայի, Կոլումբիայի, Կուբայի, Ֆրանսիայի, Բելգիայի քաղաքներում: Հանդիպումներ. Հավանայում՝ Է. Հեմինգուեյ, Ֆիդել Կաստրո, Էռնեստո Չե Գևարա, Փարիզում՝ Դ. Միյո, Օ. Մեսսիան, Ա. Ժոլիվե, Ֆ. Պոլենկ, Մ. Լոնգ: Հայաստան, հեղինակային սիմֆոնիկ համերգներ (Հայաստանի ֆիլհարմոնիկ նվագախումբ, մենակատարներ՝ Ս. Կնուշևիցկի և Յ.Վարդանյան): Ընտրվել է Հռոմի «Սանտա Չեչիլիա» (Accademia Nazionale di Santa Cecilia) երաժշտական արվեստի իտալական ազգային ակադեմիայի պատվավոր ակադեմիկոս, Մեքսիկայի Conservatorio Nacional de Música կոնսերվատորիայի (ք. Մեխիկո) պատվավոր պրոֆեսոր, Մեքսիկայի համալսարանի (ք. Մորելիա) պատվավոր անդամ: «Սպարտակ» բալետ, Ռիգայի օպերային թատրոն (բեմադրությունը՝ Ե. Չանգայի):

1961թ.

Գերմանիա, Ավստրիա և Իտալիա, Եգիպտոս և Լիբանան, հեղինակային սիմֆոնիկ համերգներ: Հանդիպում Եգիպտոսի նախագահ Համալ Աբդել Նասերի և Հարավսլավիայի նախագահ Իոսիֆ Բրոզ Տիտոյի հետ, Եգիպտոս: Լենինգրադ, հեղինակային համերգներ (մենակատարներ՝ Դ. Շաֆրան, Ժ. Տեր-Մերկերյան): Ուղևորություն Բուլղարիա /Սոֆիա/, «Գայանե» բալետի բեմադրության նախապատրաստական աշխատանքներ: «Սպարտակ» բալետ, առաջին կատարումը Հայաստանում, Երևանի Ալ. Սպենդիարյանի անվան օպերայի և բալետի ակադեմիական թատրոն, (բեմադրությունը՝ Ե. Չանգայի, դիրիժոր` Հակոբ Ոսկանյան, նկարիչ` Աշոտ Միրզոյան): Միավորված Արաբական Հանրապետության գիտության և արվեստի 1ին կարգի շքանշան («Ակտիվ երաժշտական գործունեության համար»): Ընտրվել է՝ Գերմանիայի Դեմոկրատական Հանրապետության մշակույթի ակադեմիայի թղթակից անդամ: Կոնցերտ-ռապսոդիա ջութակի և նվագախմբի համար, նվիրված է Լեոնիդ Կոգանին: Սոնատ դաշնամուրի համար, նվիրված է Նիկոլայ Մյասկովսկուն:

1962թ.

«Սպարտակ» բալետ, նոր բեմադրություն (ապրիլի 4), Մոսկվայի Մեծ թատրոն (բեմադրությունը՝ Լ. Յակոբսոնի, դիրիժոր՝ Յու.Ֆայեր): Լեհաստան, «Վարշավայի աշուն» փառատոն, հեղինակային սիմֆոնիկ համերգներ: Կոնցերտ-ռապսոդիա ջութակի և նվագախմբի համար, առաջին կատարումը, Յարոսլավլ (Յարոսլավլի ֆիլհարմոնիկ նվագախումբ, մենակատար՝ Լ. Կոգան):

1963թ.

Ուղևորություն Վիլնյուս /Լիտվա/: Ճապոնիա, հեղինակային սիմֆոնիկ համերգներ (մենակատարներ՝ Լ. Կոգան, Լ. Օբորին): Հանդիպում ճապոնացի կոմպոզիտոր Կ. Յամադայի հետ: Իտալիա, հեղինակային սիմֆոնիկ համերգներ: Վատիկան, հանդիպում Հռոմի պապ Հովհաննես XXIII-ի հետ: Ծննդյան 60-ամյակի տոնակատարություններ, հոբելյանական համերգներ Մոսկվայում, Լենինգրադում, Երևանում, Լենինականում, Կիրովականում, Կիևում, Խարկովում, Բաքվում, Սումգայիթում, Թբիլիսիում: Ուղևորություն Ռումինիա, ԽՍՀՄ-ի և Ռումինիայի կոմպոզիտորների միության քարտուղարության համատեղ նիստ: Ընտրվել է Հայկական ԽՍՀ Գիտությունների Ակադեմիայի թղթակից անդամ, ակադեմիկոս: Ընտրվել է Գերմանիայի Դաշնային Հանրապետության Արվեստների ակադեմիայի թղթակից-անդամ: Հանդիպում Իգոր Ստրավինսկու հետ: Կոնցերտ-ռապսոդիա թավջութակի և նվագախմբի համար, նվիրված է Մ. Ռոստրոպովիչին:

1964թ.

Հոլանդիա և Գերմանիա, հեղինակային սիմֆոնիկ համերգներ: Ուղևորություն Բուխարեստ, Ջ. Էնեսկուի անվան դաշնակահարների միջազգային մրցույթի ժյուրիի անդամ: Կոնցերտ-ռապսոդիա թավջութակի և նվագախմբի համար, առաջին կատարումը, Գորկի (Գորկիի ֆիլհարմոնիկ նվագախումբ, դիրիժոր՝ Ի. Ուսման, մենակատար՝ Մ. Ռոստրոպովիչ): Ուղևորություն Վիլնյուս, «Սպարտակ» բալետի բեմադրությունը:

1965թ.

Ուղևորություն Շվեյցարիա, ջութակահարների միջազգային մրցույթի ժյուրիի անդամ: Հանդիպում Չարլի Չապլինի հետ /Շվեյցարիա/: Ուղևորություն Ռումինիա ռումինական ռադիոյի հրավերով, սիմֆոնիկ նվագախմբի Ջութակի կոնցերտի ձայնագրություն: Հունաստանի միջազգային փառատոն, հեղինակային սիմֆոնիկ համերգներ (մենակատարներ՝ Յա. Ֆլիեր, Վ. Պիկայզեն, Ն. Շախովսկայա): Արվեստագիտության դոկտորի գիտական աստիճան: Մխիթարյան միաբանության մեդալ (Իտալիա, Սուրբ Ղազար կղզի) Իրանի շահինշահի հուշամեդալ (Թեհրան):

1967թ.

Մասնակցություն Պովոլժիեում անցկացվող փառատոնին: Ռիգա, Լատվիայի կոմպոզիտորների հինգերորդ համագումար:

1968թ.

Ամերիկայի Միացյալ Նահանգներ, հեղինակային սիմֆոնիկ համերգներ Վաշինգտոնում, Նյու-Յորքում, Չիկագոյում, Ինդիանապոլսում, Դետրոյթում, Հարթֆորդում, Կանզաս-Սիթիում և Ռոչեստեր քաղաքներում (մենակատար՝ Կ. Գեորգիան): «Սպարտակ» բալետ, նոր խմբագրություն (երրորդ բեմադրություն), Մոսկվայի Մեծ թատրոն (բեմադրությունը՝ Յուրի Գրիգորովիչի, դիրիժոր`Գ. Ռոժդեստվենսկի, նկարիչ` Ս. Վիրսալաձե, Սպարտակ – Վլադիմիր Վասիլև, Ֆրիգիա – Եկատերինա Մաքսիմովա, Էգինա – Նինա Տիմոֆեևա, Կրասոս – Մարիս Լիեպա): Կոնցերտ-ռապսոդիա դաշնամուրի և նվագախմբի համար, առաջին կատարումը, Մոսկվայի Չայկովսկու անվան պետական կոնսերվատորիայի Մեծ դահլիճ (Համամիութենական ռադիոյի և կենտրոնական հեռուստատեսության սիմֆոնիկ մեծ նվագախումբ, դիրիժոր՝ Ռ. Ռոժդեստվենսկի, մենակատար՝ Ն. Պետրով): Ուղևորություն Վարշավա և Բուդապեշտ, «Սպարտակ» բալետի բեմադրություն:

1969թ.

Ուղևորություն Հարավսլավիա, հանդիպում հարավսլավցի կոմպոզիտորների հետ: Բուլղարիա, հեղինակային սիմֆոնիկ համերգներ (մենակատարուհի՝ Կ. Գեորգիան):

1970թ.

Գերմանիայի Դաշնային Հանրապետություն և Արևմտյան Բեռլին, հեղինակային սիմֆոնիկ համերգներ:

1971թ.

Էստոնիա, Հոլանդիա, Նորվեգիա և Գերմանիայի Դաշնային Հանրապետություն, հեղինակային սիմֆոնիկ համերգներ (մենակատարներ՝ Կ. Գեորգիան, Վ. Պիկայզեն): Ուղևորություն Երևան, Ա. Սպենդիարյանի ծննդյան 100-ամյակը: Ուղևորություն Չեխոսլովակիա, հանդիպում չեխ կոմպոզիտորների հետ: ԽՍՀՄ Պետական մրցանակ (ջութակի և նվագախմբի, թավջութակի և նվագախմբի, դաշնամուրի և նվագախմբի, կոնցերտ-ռապսոդիաների տրիադայի համար):

1972թ.

Երևան և Մինսկ, հեղինակային սիմֆոնիկ համերգներ (մենակատարներ՝ Կ. Գեորգիան, Ն. Պետրով): Ուղևորություն Ամերիկայի Միացյալ Նահանգներ: Ուղևորություն Ֆրանսիա, «Ի պաշտպանություն հույն հայրենասերների» կոնգրես: Չեխոսլովակիա /Բրատիսլավա/, «Երաժշտության» միջազգային փառատոն, հեղինակային սիմֆոնիկ համերգ: «Գայանե» բալետ, նոր բեմադրություն, Լենինգրադի Փոքր օպերայի և բալետի թատրոն (բեմադրությունը՝ Բ. Էյֆմանի): Ընտրվել է Կիևի պետական կոնսերվատորիայի պատվավոր պրոֆեսոր: Ուղևորություն Հայաստան, Մարտիրոս Սարյանի հուղարկավորությունը: Երևան քաղաքի փողոցներից մեկը անվանակոչվում է Արամ Խաչատրյանի անունով:

1973թ.

Ծննդյան 70-ամյակի տոնակատարություններ, հեղինակային համերգներ Մոսկվայում, Թբիլիսիում, Բաքվում, Երևանում, Լենինականում, Կիրովականում, Լենինգրադում: ՀԽՍՀ ԳԱ հասարակական գիտությունների բաժանմունքի գիտական նստաշրջան: Ուղևորություն Հայաստան /Երևան/, հոբելյանական երեկո, Ալ. Սպենդիարյանի անվան օպերայի և բալետի ազգային ակադեմիական թատրոն:

1974թ.

«Գայանե» բալետ, նոր բեմադրություն, Երևանի Ալ. Սպենդիարյանի անվան օպերայի և բալետի ազգային ակադեմիական թատրոն (բեմադրությունը՝ Վ. Գալստյանի, նկարիչ՝ Մ. Ավետիսյան, դերերում՝ Գայանե՝ Ն. Դավթյան, Արմեն՝ Վ. Գալստյան): Արևմտյան Բեռլին, հեղինակային սիմֆոնիկ համերգներ: Ուղևորություն Մոնակո, Մոնակոյի միջազգային երաժշտական փառատոն: Փարիզ, կոմպոզիտորի մեծարման հանդիսություն /ծննդյան 70-ամյակի կապակցությամբ/: Սոնատ-ֆանտազիա թավջութակի համար:

1975թ.

Թբիլիսի, «Անդրկովկասյան երաժշտական գարուն» փառատոն: Ուղևորություն Հունգարիա, Խորհրդային երաժիշտների պատվիրակության անդամ: Թավջութակի սոնատի կատարումը, Բուդապեշտ: Ավստրիա և Ֆինլանդիա, հեղինակային սիմֆոնիկ համերգներ։ Ուղևորություն Լեհաստան (քաղաք Լոձ), «Գայանե» բալետի բեմադրություն: Սոնատ-մոնոլոգ ջութակի համար

1976թ.

Կոմպոզիտորի կնոջ՝ Նինա Մակարովայի մահը: Ուղևորություն Ռիգա, «Գայանե» բալետի բեմադրություն (բեմադրությունը՝ Բ.Էյֆմանի): Երգ-սոնատ ալտի համար: Որոշում Երևանում հիմնելու կոմպոզիտորի Տուն-թանգարանը (հուլիսի 21):

1977թ.

Մեծ Բրիտանիա, Բելգիա, ԱՄՆ (Հոնոլուլու, Հավայան կղզիներ – վերջին համերգը) և Հայաստան (Երևան), հեղինակային սիմֆոնիկ համերգներ: Ուղևորություն Ֆրանսիա (Փարիզ, բուժումների):

1978թ.

Համամիութենական Ուսանող – կոմպոզիտորների մրցույթի ժյուրիի նախագահ, Մոսկվայի Չայկովսկու անվան պետական կոնսերվատորիա (հունվար): 05.03.1978 – ելույթը Ս.Պրոկոֆևին նվիրված երեկոյին: 01.05.1978 – Կոմպոզիտորի մահը (1 ամիս և 5 օր հետո կլրանար նրա 75-ամյակը): 05.05.1978 – Վերջին հրաժեշտը, Մոսկվայի Չայկովսկու անվան պետական կոնսերվատորիայի Մեծ դահլիճ: 06.05.1978 - Վերջին հրաժեշտը, Երևանի Ալ. Սպենդիարյանի անվան օպերայի և բալետի ազգային ակադեմիական թատրոն: 06.05.1978 – Հուղարկավորությունը, Երևանի Կոմիտասի անվան պանթեոն:

1978թ.

ՀԻՄՆԱԴՐՎՈՒՄ Է ԱՐԱՄ ԽԱՉԱՏՐՅԱՆԻ ՏՈՒՆ-ԹԱՆԳԱՐԱՆԸ:

Հովանավոր՝

Աշխ. ժամեր

Երկ. – Ուրբ.՝ 11:00-17:00

Շբթ.՝ 11:00-16:30

Կոնտակտներ

Զարոբյան փողոց 3, Երևան, 0009

(+374) 10 589418, 580178, 522691

info@akhachaturianmuseum.am

khachaturianmuseum@gmail.com