Արամ Խաչատրյանի տուն-թանգարան

Բաց է՝ երկ.-ուրբ. ժամը՝ 11:00-17:00, շբթ.՝ 11:00-16:30

Լսել «Արամ Խաչատրյան»

Անջատել

Հովանավոր՝

Բարի գալուստ
Արամ Խաչատրյանի տուն-թանգարան

Աշխ. ժամեր

երկ.-ուրբ. ժամը՝ 11:00-17:00,

շբթ.՝ 11:00-16:30

Գտնվելու վայրը

Զարոբյան փողոց 3,
Երևան 0009

Հետևե՛ք մեզ

Արամ Խաչատրյան

Աշխարհահռչակ հայ կոմպոզիտոր, դիրիժոր, մանկավարժ, հասարակական գործիչ, հրապարակախոս, համաշխարհային դասական:

Հայկական առաջին բալետի, սիմֆոնիայի, կոնցերտի և ֆիլմի երաժշտության հեղինակը։

2013 թվականին ՅՈՒՆԵՍԿՕ-ի որոշմամբ «Արամ Խաչատրյանի ձեռագիր նոտաները եւ կինոերաժշտությունը» գրանցվել են ՅՈՒՆԵՍԿՕ-ի «Աշխարհի հիշողություն» ծրագրի Միջազգային ռեեստրում:

Տուն-թանգարան

Հայ ժողովրդի մեծ զավակ, աշխարհահռչակ կոմպոզիտոր Արամ Խաչատրյանի տուն-թանգարանը հիմնադրվել է 1978 թվականին:

Այն կոչված է մեծ արվեստագետի հիշատակը հավերժացնելու և նրա երաժշտական հարուստ ժառանգությունը պահպանելու և ապագա սերունդներին փոխանցելու:

Տուն-թանգարանը գտնվում է Երևանի կենտրոնում: Այն ստեղծվել է մարշալ Բաղրամյան պողոտայի և Պլեխանով (այժմ` Զարոբյան) փողոցի հատման հատվածում գտնվող այն առանձնատան հիման վրա, որ 1945 թվականին Արամ Խաչատրյանին նվիրել է Խորհրդային Հայաստանի կառավարությունը:

Կոմպոզիտորը շատ է սիրել երևանյան իր այս տունը: Հայաստանում գտնվելիս այստեղ է իջևանել, ընդունել հյուրերին և ստեղծագործել: Արամ Խաչատրյանի ցանկությունն է եղել, որ իր միակ Տուն-թանգարանը բացվի հենց Երևանում:

Արմինե Գրիգորյան
Տուն-թանգարանի տնօրեն, Երևանի Կոմիտասի անվան պետական կոնսերվատորիայի պրոֆեսոր,
միջազգային մրցույթների դափնեկիր, Արամ Խաչատրյանի անվան տրիոյի դաշնակահարուհի

Սիրով հրավիրում ենք Ձեզ աշխարհահռչակ հայ կոմպոզիտոր Արամ Խաչատրյանի տուն-թանգարան:

Այստեղ Դուք կարող եք ունկնդրել Մաեստրոյի անմահ երաժշտությունը, ճարտարապետական յուրահատուկ ոճով և ինքնատիպությամբ աչքի ընկնող ցուցասրահներում և Հուշատանը տեսնել հազվագյուտ և բացառիկ արժեք ներկայացնող ցուցանմուշներ, որոնք կպատմեն Ձեզ համաշխարհային մեծ հռչակ վայելող արվեստագետի ու քաղաքացու կյանքի հայտնի և անհայտ էջերի, գործունեության, անվանի մարդկանց հետ հետաքրքիր հանդիպումների, հիշարժան դեպքերի և ստեղծագործական հարուստ ժառանգության մասին: