Մայիսի 11-ին՝ ժամը 14:00-ին, Արամ Խաչատրյանի տուն-թանգարանում տեղի կունենա գրական-երաժշտական հանդիպում՝ նվիրված Հայ դասական երաժշտության հիմնադիր Կոմիտաս Վարդապետի և ամենայն հայոց բանաստեղծ Հովհաննես Թումանյանի ծննդյան 150-ամյա հոբելյաններին:
«Հոգու կանչով» խորագիրը կրող հանդիպման ժամանակ կներկայացվեն բանաստեղծ Իշխան Բադալյանի գրչին պատկանող ստեղծագործություններից:
Կլարա Կարապետյանի /սոպրանո/ կատարմամբ կհնչեն Կոմիտասի, Հովհաննես Թումանյանի և Արմեն Տիգրանյանի ստեղծագործությունները /ա կապելլա/:
Klara Karapetyan
Իշխան Բադալյանի առաջին գիրքը՝ սաղմոսների ժողովածուն, լույս է տեսել 2016թ. «Ղողանջ Օրհներգության» խորագրով: Հեղինակի երկրորդ գիրքը՝ «Կոմիտասի մենախոսությունը» լույս է տեսել 2018թ.:
Հեղինակի բանաստեղծությունները հոգու գրեր են:
«Կոմիտասի մենախոսությունը» ժողովածուի գրերի ռուսերեն թարգմանությունների հեղինակ Ավետիք Պիվազյանի խոսքերով «…հեղինակն այստեղ չի գտնի այն, ինչ սովորաբար անվանում են պոեզիա: Պոետական գեղեցկությունը խոնարհվել է էական անհրաժեշտության առջև…»:
Կլարա Կարապետյանի ստեղծագործական գործունեության մեջ առանձնակիորեն կարևորվում են Կոմիտասյան ստեղծագործությունները, հոգևոր տաղերն ու շարականները, հայ ազգային երաժշտությունը:
Մուտքն ազատ է: