Արամ Խաչատրյանի տուն-թանգարանում տեղեկատվական տեխնոլոգիաների կիրառմամբ այցելուներին անմոռանալի տպավորություններ պարգևելու հնարավորությունը կավելանա ևս մեկով. ARLOOPA կազմակերպության հետ համագործակցության արդյունքում տուն-թանգարանի հարող տարածքի պատի նկարազարդ պատկերը կկենդանանա լրացված իրականություն տեխնոլոգիայի օգտագործման շնորհիվ: Այցելուները, սքանավորելով բջջային հավելվածը, կհայտնաբերեն թաքնված բովանդակությունը: Հրավիրում ենք անցկացնելու ձմռան վերջին օրը մեզ հետ՝ մասնակցելով ծրագրի շնորհանդեսին, որը տեղի կունենա փետրվարի 28-ին ժամը՝ 13:00-ին
